O significado destas manifestacións da Prehistoria de Galicia é moi complexo. Parece que nos atopamos ante lugares sagrados nos que se representan escenas de caza, xunto con figuras simbólicas que tiveron un significado preciso que adoita poñerse en relación con rituais propiciatorios, ca conmemoración de determinados feitos ou con cerimonias dedicadas a ritos do grupo. En todo caso, trátase de representacións que se repiten en tódalas rexións onde hai petroglifos, con lixeiras variacións.
Seccións do calco
Situación da estación
( 42°48’22.97″N 9° 4’20.88″O )
Acondicionamento da estación
Acondicionouse un perímetro de entre 30 e 50 metros ó redor da estación e do último tramo do camiño, para facilitar o acceso e orientar ós visitantes. Limpiouse o último tramo da pista forestal que estaba invadido por xestas. Os 15 metros de sendeiro que van desde esta pista á estación rupestre acondicionouse e delimitouse cun balizado que define a vía de acceso e orienta ó visitante .
Balizado da estación
Retirada a capa vexetal dos límites do afloramento, de forma manual, empregando ferramentas axeitadas (paletíns, pas, carretillas…). O musgo e os liques extraeronse empregando obxectos brandos de madeira ou plástico, para logo barrer completamente a superficie con escobas de frebas brandas ata eliminar os restos. Esta acción facilita a visión dos gravados ó tempo que pode por de manifesto outros petroglifos que estexan ocultos baixo musgo, liques ou a capa vexetal.
